Ben, aquí recomendo este manga de xénero gender bender, shojo, romance. Non é demasiado "empalagoso" e ten bastantes toques de comedia,polo que se le bastante ben.
A historia vai sobre un rapaz e unha rapaza que intercambian corpos. Comeza a historia cos seus corpos xa cambiados e a medida que pasan as páxinas vamos descubrindo que foi o que os levou a rematar nesa situación e como certo armario é o culpábel.
Así, terán que vivir cada un no corpo do outro ata que atopen un xeito de retornar a normalidade tratando de manter a normalidade, algo que será bastante complicado...
O protagonista é o mítico bishounen que trae tolas a tódalas rapazas do cast, cun actitude chulesca que teoricamente sería "ideal" para unha potencial lectora do manga, pero eu debo dicir que non me gusta como personaxe. Seguindo cos personaxes, a única personaxe que me parece algo interesante é a de Ewn Song, a protagonista feminina da historia, que se alonxa por momentos do esteriotipo típico de bishojo para achegarse a unha rapaza algo máis "marimacho" que polo menos non é igual ao resto das personaxes femininas, todas co aire de pixas .
Dura 46 capítulos , cada un deles con paxínas que poden variar entre 20-40, o que fai uns caps bastante longos e en consecuencia unha historia longa.Isto non se reflexa na complexidade do argumento, que cae abrúptamente despois de certo capítulo para rematar nun final decente, pero moi moi previsíbel.
Así é todo, creo que merece a pena botarlle un ollo se che gusta o gender bender e a comedia.

Nota: 6