1 or W （ワン・オア・ダブル, 1 ou 2）é un manga de Rumiko Takahashi, a mangaka de títulos moi coñecidos entre os que destaca Ranma 1/2, un auténtico hit durante a súa publicación e que conserva parte desa popularidade de vella gloria.
Así, a temática das historias non é uniforme, aínda que hai temas recorrentes: os espíritos que non descansan en paz e volven para rematar a súa última vontade ou o amor adolescente.
As historias son totalmente independentes de modo que cada un delas funciona a modo de one-shot dunhas 30-40 páxs, ocupando a obra completa unhas 245 páxinas.
Teñen un ritmo bastante rápido, dinámico, fresco e outros moitos adxectivos positivos que caracterizan á autora , así como a súa característica arte no deseño de personaxes, recordarás a algún personaxe de Rannma vendo a maioría dos seus deseños.
En resumo, historias curtas, frescas, divertidas e cun toque de ironía que son moi recomendábeis.

Nota: 8