Antes de comezar , aclarar que falarei do manga(sí, xa sei que existe un anime e vin algúns amvs pero non vin suficiente material como para falar del).
Así, falemos de Nyan Koi!, un manga que se atopa sen rematar(i é difícil que o faga) xa que son atopa nun hiatus(parada indefinida).
É un manga do xénero comedia ecchi, coma moitos outros, pero esta vez atopámonos ante algo que realmente fai graza e presenta un argumento que se sae un pouco do habitual:

Nyan Koi! é a historia dun rapaz chamado Junpei Kousaka, que é alérxico aos gatos(ademáis de que os detesta). Sen embargo, sen darse conta, rompe unha estatua dun gato que se supón que era unha deidade. Por isto, unha maldición cae sobre el: rematará por convertirse nun gato a menos que lle faga 100 favores a 100 gatos diferentes. Para axudalo na súa tarefa concédeselle a capacidade de poder falar cos gatos, o que da lugar a un montón de situacións hilarantes(a verdade nunca pensei que os gatos desen para tanto).
Ninguén pode saber que Junpei ten a maldición ou a mesma será traspasada a esa persoa, polo que Junpei intenta por tódolos medios que ninguén se entere. Esta tarefa é especialmente difícil coa compañeira de clase da que está namorado, Kaede Mizuno, quen é unha amante dos gatos e cando se da conta de que Junpei está sempre con gatos comeza a desenrolar un certo interés por Junpei


Realmente a trama principal queda en segundo plano e a maioría do tempo o manga céntrase en mostrar esceas de corte ecchi orientadas ao público masculino, áinda que cun humor que fai que cada capítulo che saque un sorriso.
Realmente é un manga moi dinámico, baséandose na estrutura de un capítulo unha historia(ou dous capítulos unha historia XD) e cuxa trama principal avanza moi lentamente.
Hai moitas heroínas(así é como lle chaman os xaponeses) da historia, isto é, posíbeis intereses románticos de Junpei convertendo o manga nun tipo harem.

Para finalizar dicir que é un manga que a pesar de que é probábel que nunca coñezamos o seu final(ou o rematen cun final moi forzado) vale a pena ler os capítulos que hai xa que te farán rir a gargalladas.

Nota: 8