It finally reached him.....

Mola a filosofía da xente que fixo a OVA de Air Gear. Pensaron algo como : "para que imos animar un montón de capítulos podendo pasar á parte interesante no momento?". Dito e feito XD.
Así, nesta primeira OVA de Air Gear hai un salto temporal moi grande dende onde o anime rematou (recordemos que o anime remata cando Ikki consegue saltar unha gran distancia cos seus Air Trekks e arrebátalle o record a outro patinador) para atoparnos co comezo dun dos  mellores arcos do manga, a batalla entre sleeping forest , genesis e un kogarasumaru.
Así, esta OVA conta a historia da batalla entre Ringo e Ikki , cando Ringo "machaca", por dicilo así, a Simca e Ikki vai falar con ela para pedirlle explicacións, o que resulta nunha batalla entre os dous.
Para os que remataron o anime e o seguinte que ven é esta OVA debo dicir que o mellor é ler bastantes capítulos de manga antes de facer isto , sobre todo polos novos personaxes . Así, nesta trama aparecen varios personaxes novos, pódese ver á tuner de Ikki(que non recordo como se chama), unha rapaza que consegue que a regalía de vento de Ikki funcione, a Aion, un pantinador que controla o tempo e pequenos retazos de outr@s personaxes .
Así, a batalla luce tremendamente espectacular, vamos, ver o anime orixinal e ver esta OVA é como para pensar que se se teñen cartos e se pon interés as cousas pódense facer mellor. Así, cun deseño de personaxes renovado moito máis achegado ao do manga e uns efectos moito máis chulos (luces, ); así como unha coreografía dos moventos moito máis realista e un pouco máis "física", por dicilo así(máis crible dentro do incrible XD), Ringo e Ikki combaten durante os case 30 minutos que dura a OVA intercambiando golpes un con outro ata que a pelexa, a pesar do uso da regalía do vento por parte de Ikki, remata en empate.
No anime orixinal apenas se trataba o tema amoroso, máis concretamente, a tensión sexual non resolta entre Ikki e Ringo. Neste OVA iso cambia xa que coma no manga orixinal prodúcese un achegamento entre ambos con malentendidos graciosos froito da personalidade Tsundere de Ringo  e momentos íntimos como cando ámbolos dous se bican e Ikki deixa a casa familiar. Iso sí, hai ecchi pero ben feito , cun gran deseño e dese non tan explícito que o fai máis interesante.

En resumo é unha gran OVA moito máis fiel e realista , mostrando o que realmente é Air Gear baseándose no manga(a pesar de que a min o concepto de patinadores asasinos con superpoderes......mola só te fixas en que é un manga de batallas máis que de deportes ou de outra cousa) que a partir dese momento vólvese moito máis interesante.

Nota: 8

A pelota sempre remata diante da persoa que nunca se rinde


Moitas veces esquecemos o que di a frase en cursiva que está por riba desta texto, que dise nun contexto futobolístico pero que se pode aplicar a calquera outro ámbito da vida.
Así, falaremos de Giant Killing que é o que nos ocupa. É un sports anime que ven dun sports manga homónimo que gañou un premio Kodansha ao mellor manga na categoría de mellor manga en xeral.  É interesante e ten un "algo" que fai que a pesar da súa estrutura repetitva non aburra a trama e continue o seu visionado con relativa facilidade, e dío alguén a quen non lle soen gustar os mangas de deportes. Agora, o argumento:


ARGUMENTO
Este anime conta a historia de certo equipo de fútbol de Tokio, o East Tokio United(ETU) ,que tivo a súa época dourada tempo atrás e que, despois de incluso descender á segunda división conseguiron ascender á primeira outra vez sempre están na zona baixa da clasificación. As cousas non están ben para o equipo que cambia constantemente de entrenador, case non ten fans nos partidos e cuns xogadores carentes de moral.
Todo a parte dos malos resultados comezou cando a gran estrela do equipo, Takeshi Tatsumi, marchou do equipo para xogar en Europa, onde actualmente exerce de entrenador. Así, dous representantes do ETU deciden a Reino Unido, onde Tatsumi conseguiu que un equipo case de aficionados derrotara a un grande da liga inglesa e chegase a estar entre os 32 primeiros da FA Cup, algo que os afinicionados denominaron Giant Killing(Matanza de Xigantes), dahí o nome do anime. Así, os enviados do ETU pídenlle a Tatsumi que volva a Xapón para convertirse no entrenador do ETU e devolverlle a súa grandeza, algo que Tatsumi acepta e así comeza a historia.
Logo disto a trama desenvólvese basicamente xogando partidos , ben de liga , ben de copa ou outros torneos e nos entrenamentos, que soen ser bastante "estranbóticos", facendo case de todo menos entrenar normalmente.
Os partidos son bastante realistas dentro do que se podería esperar, xa que a súa duración non é demasiado longa en capítulos(normalmente, xa que hai partidos especiais que si duran bastante) e úsasnse tácticas de fútbol reais para gañar os partidos. De feito, algo que recalcaln no anime e no que eu coincido é en que o máis importante non é sempre a técnica dun xogador, senón a capacidade que ten de loita e a mentalidade coa que afronte os seus compromisos, algo no que Tatsumi fai fincapé para cambiar a racha de resultados negativos do ETU.
O anime non abarca demasiado en tempo, xa que ao remate do mesmo apenas transcorreu a metade da tempada polo que queda aberta a posibilidade dunha segunda tempada xa que o manga orixinal ten moitos máis capítulos.
Hai que destacar que a súa demografía é seinen, nótase sobre todo en que o peso de lograr as victorias e de aguantar as derrotas non recae sobre os xogadores e recae maiormente no entrenador, sendo este o protagonista da historia.


PERSONAXES
Hai moitos secundarios pero o certo é que non se mostra a tódolos membros do ETU(aínda que sí á maior parte dos once iniciais que xogan normalmente) e algúns deles apenas son nomeados ou sae nalgún partido.

Takeshi Tatsumi: entrenador do ETU e ex-xogador do mesmo. Alguén cunha personalidade moi forte que quere gañar como sexa pero que sempre actúa de maneira despreocupada, o que molesta aos seus xogadores e á outra xente, pero que sempre remata de xeito favorábel ao equipo.
É un gran entrenador, xa que non pide fichaxes e cos xogadores que ten é capaz de facer unha estratexia para xogar cada partido e conseguir gañar algúns partidos.
É o protagonista da historia.

Murakoshi: defensa do ETU(presumiblemente central dado que non é o suficientemente rápido como para ser lateral). Antes de que Tatsumi sexa o entrenado do club é o capítán e unha figura dentro do equipo, polo que é apodado Mr ETU , pero Tatsumi quítalle responsabilidade para que poida desenvolverse como xogador, mellorando o seu rendemento.
Actúa sempre buscando darlle moral ao grupo e apoio aos máis novos dándolle confianza.

Sera: dianteiro novo(de idade) que parece unha promesa, aínda que a súa conta de goles non sexa demasiado elevada. Soe marcar en ocasión importantes e convírtese nun titular do equipo

Yuri: filla do presidente do ETU que se preocupa moito polo club , dado que é fan desde pequena.
É unha adicta ao traballo e sempre consegue o mellor para o equipo.

Luigi: máis coñecido coma ouji(príncipe), é un xogador italiano que é o encargado de crear o xogo no ETU, xogando nunha posición de mediocentro ou así.
É moi despreocupado e pasa moito do tema , cansándose enseguida, pero ten unha técnica impresionante que fai que os seus pases nunca fallen polo qhe é un titular indiscutíbel.

Tsubaki: gran promesa do ETU que demostra moito potencial omo dianteiro por momentos, mentres que outras veces é unha "burra"(sen insultar aos animais, claro está) que non sabe andar coa pelota entre os pés e pódelle a presión.

Kuroda: defensa central do ETU que sempre discute co entrenador e que chega a case abandoar o equipo, aínda que finalmente non o fai.
De personalidade forte, é un bo defensa no marcaxe individual sendo a clave para gañar moitos partidos.




ANIMACIÓN E BSO
Algo que me chama a atención sobre o deseño de personaxes deste anime é o nariz dos personaxes. Por que? Bueno, porque a maioría deles(non todos, certo, pero moitos) teñen o nariz extraordinariamente puntiagudo XD. Non é que me moleste nin nada ppero pareceume curioso XD.
Respeito da animación en sí debo dicir que é decente  , segue un trazo moi similar ao do manga e fai fincapé nalgúns detalles, coma o movemento do balón ou o movemento dos xogadores cando fan regates, fintas ou outros movementos aínda que non tanto no deseño de personaxes. É algo así como que o importante é o partido e non os xogadores.
Algo interesante é que "cada un fala no que lle parece". Vale, non é para tanto pero pódese escoitar a xente falando en inglés, francés alemán e xaponés, algo bastante curioso XD.
A BSO está ben , algo repetitiva, iso si XD, xa que hai un ou dous temas que soan sempre que pasa algo importante que a pesar de que non están mal cansan se os escoitas tantas veces XD.
O opening está moi ben, gústame ese estilo como de fútbol inglés, buscando un son tradicional e incorporando gaitas incluso.


O ending é de estilo máis roqueiro pero non por iso peor, de feito é un dos pouco endings que me leva gustado porque non é algo lento senón algo con ritmo.



http://youtu.be/BI_zwzAH1FY

CONCLUSIÓN
Gran anime seinen de fútbol que fai xustiza con este deporte ofrecendo un produto serio e riguroso e moitos aspectos co seu toque de imaxinación para darlle vida á trama. Moi recomendábel.

Nota: 8.9

Deportes....un xénero amplamente tratado no manga e un dos máis populares, podéndonos atopar deportes de todo tipo. Obras como Captain Tsubasa, Prince of Tennis ou Eyeshield 21 son grandes hitos deste tipo de manga, normalmente de temática shonen que segue tendo moitos adeptos. Falarei só dos que coñezo, dos que non poñerei un link a algún lugar onde informarse sobre os mesmos(hai que pinchar no título de cada manga para ir á información no caso de que eu non poña nada). Comecemos!

A pesar de ter só 5 capítulos e ter máis ou menos unhas 170-180 páxinas de lonxitude totales esta historia é simplemente xenial do xeito que é contada.

A historia vai de certo xogador de fútbol xaponés que ficha por un equipo español, pero en lugar de xogar no primeiro equipo remata xogando no segundo equipo que milita na segunda división española.
Para poder mellorar, o equipo( i el incluido) van cara o reino unido para xogar un amistoso contra un equipo inglés que leva moito tempo en activo a pesar de que non sexan moi bos.
Hai un incendio no barco e Mirai, o rapaz xaponés, é arrastrado por un personaxe misterioso cara o fondo do mar.Cando desperta, atópase con que foi transportado 150 anos ao pasado e decide xogar co equipo inglés de fútbol desa época!

A trama é moi fresca , diferente, con ese toque que fai que a pesar de ser unha historia moi curta sexa incrible.Realmente o interesante é o desenvolvemento dos personaxes e os seus sentimentos, no realmente o ámbito deportivo.

Nota: 7