Non estaba morto, estaba de parranda! XD Xa sei que non se pubricou nada no blog ultimamente(Quen di ultimamente, di nas últimas 3-4 semanas....recuperarei o ritmo de publicación nalgún momento, non digo que de repente aparezan 3-4 entradas por semana(Que igual me da a venada pero véxoo improbábel) pero tede por seguro, querid@s lector@s que o número de entradas será dun mínimo de 42 dúas a final de ano .

#manga #anime #ogsn
Seid ihr das Essen?
Nein, wir sind der Jäger
Boas!Hoxe falaremos do anime que foi probábelmente o que máis pasións suscitou o ano pasado , Shingeki no Kyojin, baseado nun manga do mesmo nome. Analizarei só o anime dado que o manga non o lin . Curioso o feito de que o mangaka concedese unha entrevista recentemente na que admitiu que tiña pensado un final traumático pero dado o éxito do manga e pra non decepcionar aos lectores/lectoras cambiou a estrutura e que agora era medio improvisado. Just saying XD.Imos co argumento!

ARGUMENTO

Situámonos nu lugar  con características medievais no que a maioría da poboación humana foi aniquilada por xigantes. Así, ao comezo da historia , os poucos humanos  humanos que quedan (Este punto é dubidábel a partir de certo punto da historia, pero non digo máis pra non dar spoilers XD )  refúxianse dentro dunha cidade amurallada con tres murallas concéntricas. A máis interior é a máis alta e curta , mentres que a máis exterior é a máis longa pero baixa das tres. Ditas murallas serviron pra que durante máis de cen anos non houbese ningunha incursión de titáns dentro da cidade polo que os humanos reláxanse e pensan que nada vai pasar. Isto resulta ser unha actitude moi errada dado que no primeiro episodio un xigantesxo titán (Que será coñecido posteriormente como Titán Colosal) consegue entrar na cidade . Con el entra un exército de xigantes e prodúcese unha masacre na que a proboación humana queda mermada aínda máis e os poucos que escapan refúxianse na parte interior da cidade, ao amparo das murallas restantes. 

E ata aquí o argumento. Así de partida é algo que soa moi ben, rollo medieval con xigantes e xente con espadas matándoos. Gore, violencia, intriga e acción son elementos que abundan grazas a este argumento. Sen embargo, o ritmo é moito máis pausado do que un podería pensar en determinados momentos, dado que no anime apenas podemos distinguir tres/catro arcos argumentais en 24/25 episodios(Hai unha OVA): o avance é exasperantemente lento por momentos .

PERSONAXES

Botarémosllo un ollo a personaxe principal e a un personaxe secundario chamado Levi:

-Eren: rapaz que perde á súa nai no primeiro capítulo do anime co ataque dos titáns. Debido a este feito decide facerse membro dun corpo de élite que se dedica a matar titáns na medida do posíbel e a estudar as súas debilidades. Ao comezo , a pesar de tental o con tódalas súas forzas resulta ser bastante negado no uso dos aparellos pra loitar contra os titáns pero despois colle práctica e consegue un manexo bastante razoábel.
É o protagonista principal da historia e unha peza clave na loita contra os titáns SPOILER A PARTIR DAQUÍ dado que é un dos poucos humanos coñecidos que ten a habilidade de transformarse en titán ao provocarse dor, o cal deixa entrever que os titáns son froito de certo experimento e o pai de Eren tivo algo que ver e Eren podería ser a única esperanzaz da humanidade FIN DO SPOILER.


-Levi: este personaxe é o xefe da brigada anti-titáns e probábelmente o personaxe máis "cool" de toda a serie.É o único capaz de cargarse a varios titáns a un tempo sen ningún rasguño grazas á súa combinación de velocidade, axilidade e precisión, algo que fai que os seus subordinados o respeiten, a pesar de que el os considere como ferramentas,non como compañeiros.
É unha persoa moi seria, pechada, queda e metódica que mantén unha disciplina de ferro pra darse a respeitar. Non obstante, en certos momentos vese que os seus costumes poden ser modificábeis no caso de esbozar plans na súa cabeza contra os titáns, aínda que ao resto do mundo lle parezán unha loucura.


Algo curioso con este anime é que en enquisas de popularidade Levi desbancou aos protagonistas como personaxe máis popular.

ANIMACIÓN E BSO

A animación é boa, creo que fai un bo traballo ao capturar a esencia e ambiente do manga: todo é moi escuro e tétrico. Iso non quere dicir que, se temos en conta que pode chegar a haber moitas cousas en pantalla, con centos de soldados e titáns, pódense observar baixóns na calidade.
Respeito do deseño de personaxes é bastante fiel ao manga na maioría dos casos, aínda que hai algunha excepción.
 A BSO mola, o primeiro opening é o mellor de 2013, na miña opinión, e o segundo non mola tanto pero soa ben. Ademáis, as melodías que soan durante o anime contribúen a crear tensión. Aquí un exemplo:

CONCLUSIÓN

Había un hype enorme con este anime. Todo o mundo vía o anime e dicían que era boísimo, o mellor en non sei canto tempo...Creo que dicir tanto é pasarse, porque a pesar de que é bo, a nivel argumental é moi mellorábel(A pesar de que a premisa básica sexa moi interesante).Notábel.

Nota: Pido desculpas a aqueles que se viron afectados por certo spyware que había no meu blog. Así, publicáronse entradas automaticamente . Xa tomei as medidas pertinentes(Pasar o antivirus e cambiar o contrasinal da conta) , así que creo que xa está solucionado.

Ola k ase! Tranquilos, non me volvín cani de repente XD, simplemente me fixo graza o saúdo do señor Lory Money . O caso é que hoxe falarei de Princess Resurrection, canela en rama, como diría Loulogio, dentro dos mangas de terror. De feito, podo dicir que este, ao ser de terror pero estar máis enfocado á acción con centos de homenaxes a películas clásicas de terror e un universo de fantasía-ciencia ficción que está moi ben construído. Así, podo dicir que este manga e Franken fran , do que falarei noutra ocasión, son os únicos de terror que coñezo(cómpre matizar ese punto , dado que non son un gran fan do xénero) que podo dicir que me gustasen. Comecemos co argumento :

Princess Resurrection é un manga que conta a historia da chamada princesa dos monstros, dahí o título do mesmo. Esta princesa é filla da realeza do mundo dos monstros e dedícase a tentar manter a orde en canto a asuntos sobrenaturais se refire. Así, ten que competir con seus irmáns e irmás pra proclamarse raíña nunha batalla a morte, na que só quedará un vivo.
A historia comeza cando a nosa hime deixa que morra por erro un rapaz chamado Hiro cando este a salva dunhas vigas que caen. Así, pra compensar o seu erro decide converter a Hiro nun Blood Warrior ou guerreiro de sangue.Este tipo de guerreiros son inmortais e poden levantarse sempre, coa salvedade de que pra sobrevivir teñen que conseguir o sangue do seu mestre, neste caso hime.
Por culpa desa circunstancia, Hiro e  a súa irmá trasládanse á mansión de Hime e Hiro convértese no seu gardaespaldas, co súa irmá como maid  que non se entera de moito XD.

Aparte de Hiro e Hime, dentro do Hime-squad, por chamalo así, está unha muller lobo chamada Riza(Tecnicamente medio-lobo dado que só é paret loba) , unha vampira chamada Reiri e un robot-maid chamado Flandre. Este robot é moi pocerosos e pode cargarse a case calquera inimigo. Ten o problema de que non pode falar e emite sempre os mesmos sons (aínda que Hime enténdea) e ten unha batería limitada, polo que cando se lle acaba queda inoperativa.
A maioría dos capítulos son autoconclusivos e o seu argumento non vai máis alá do propio capítulo pero certo é que hai un fío conductor principal, que é a batalla polo trono. Así, en certos momentos a historia pódese volver algo confusa dado que por momentos faise referencia a eventos que saíron moitos capítulos atrás e se temos en conta que este manga era bimensual iso quería dicir que leras dito capítulo anos atrás, co cal xa non te acordabas nin de que ía XD.
O manga é basicamente de acción, con Hime coa súa motoserra, Hiro , que deixa que lle peguen ao ser inmortal e Riza e Reiri como protectoras de Hime con Flandre(Nótese que os vampiros e os homes lobo teñen unha forte rivalidade e non se poden ver  ).
O manga fai homenaxes a todo tipo de películas de serie B de monstros e se sodes cinéfil@s podedes atopar centos de referencias coñecidas entre a gran cantidade de monstros que aparecen. Por dar exemplos, está  ohome invisible, cidades con néboa nas que hai asasinos e nserie, monstrode patano, pulpos xigantes, fantasmas, sereas.....e moitos máis.

Hai un anime pero realmente non é gran cousa, se queredes ver algo vede as OVAs, iso sí mola XD.


Como conclusión dicir que Princess Ressurrection é un manga moi interesante, de duración normal ou pouco longa (XD) que realmente engancha polo complicado que se volve o seu argumento por momentos e as esceas de suspenso.

NOTA: Espero reanudar o ritmo de publicación pronto, véxase , esta semana XD.

Nota: 9.0