Boas!Dende hoxe comezarei unha colección de post sobre revistas de manga. Pra comezar, cómpre dicir que , en Xapón, a distribución de mangas, ademáis de por volumes, faise con revistas de manga, que saen unha vez á semana. Así, estas revistas contan con moitos títulos de manga, polo que a súa extensión é bastante grande(Son un bo tocho) e por un prezo que creo que de media anda entre 2 e 3 euros ao cambio, non se pode pedir moita calidade de papel e o certo é que esta é realmente mala.

Así Weekly Shonen Jump é unha das revistas de manga máis populares de Xapón. Os mangas máis populares dos últimos anos(Véxase Naruto, One Piece, Bleach, Dragon Ball, Hunter x Hunter......) surxiron desa revista. En épocas de Dragon Ball o seu volume de publicación era epicamente grande, agora, aínda que están One Piece, Bleach ou Naruto, ten un volume de publicación moito menor que anda polos 2 millóns de unidades.

É unha revista que ten moita historia, dado que a súa primeira edición data de 1968, polo que a editorial que a edita, Shueisha, converteuse nunha das revistas máis importantes de todo Xapón.

Algunhas das características desta revista son a súa demografía shonen(tal como se ve no seu título) , a celebración de concursos pra que xente que non son mangakas profesionais poidan abrirse un oco na dura industria e a súa gran popularidade dentro de Xapón, é unha revista mencionada en centos de mangas que non son da mesma editorial.



E ata aquí este pequeno comentario. Espero que vos gustase.