Newest Post
// On :venres, 9 de agosto de 2013
Imos ao que nos ocupa hoxe : Maison Ikkoku (Maison de casa en francés), unha das primeiras obras coas que Rumiko Takahashi se fixo famosa. Imos co argumento:
Maison Ikkoku é un manga dos 80 e hai que falar del como tal. Conta a historia dun rapaz que vai vivir a unha Maison(Algo así coma unha casa de apartamentos neste manga) mentres estuda na universidade. Así, ao máis puro estilo "13 Rue del percebe" cóntanse as peripecias dos inquilinos dos pisos, manexados pola dona do bloque, unha muller duns 30 anos moi fermosa da cal o estudante está namorado.
É un manga de corte maiormente cómico polo que non hai moito desenrolo argumental , a maioría dos capítulos son independentes entre sí aínda que ben é certo que hai un certo fío argumental central: a relación entre a landlord e o estudante, que teñen unha relación de amor-odio.
É un manga que hai que ubicar na época na que se fixo. Isto parece estúpido pero hai moitos chistes que non entenderemos(ou non nos farán graza) se non temos en conta as circunstancias socieconómicas dos 80.
Así, aparatos coma os VHS ou as cintas de casette aparecen con frecuencia e son usados polos personaxes, así como rudimentarios ordeadores.
A súa duración é algo elevada, non na cantidade de capítulos senón no feito de que como case nunca avanza a trama vólvese repetitivo co paso dos capítulos e se saltas varios podes seguir o fío perfectamente.
O debuxo é o típico de Rumiko Takahashi: liñas moi marcadas e personaxes moi ao estilo dun comic, sen intentar que sexan realistas. Un dato curioso é que na miña opinión os personaxes masculinos teñen as cellas demasiado pobladas(todos XD ).
Os komas son do mesmo tamaño , ao contrario que os mangas de hoxe no que o tamaño varía neste manga dividen a paxína en cadrados iguais , algo que pode chocar e que resulta nun estilo de narración lixeiramente diferente.
En conclusión, manga bo de Rumiko Takahashi, se cadra un pouco máis adulto que cousas como Ranma.
.jpg){kind=spacer}
