Newest Post
// On :venres, 30 de decembro de 2011
Enigma((エニグマǝnígmǝ) é un manga destinado a unha demografía shonen pero con temas que cecáis se alonxan un pouco do arquetipo deste tipo de mangas xa que a súa temática é maiormente misterio,suspense, intriga e superpoderes.
Foi cancelado aínda que se vía vir a súa cancelación dende moitas semanas atrás dado que comezou a quedar de último na Weekly Shonen Jump (revista onde era publicado) semana si e semana tamén polo que era inevitábel. Así, dáselle un final na citada revista pero o verdadeiro final do manga suponse que se publicará noutra revista.
Así, ǝnígmǝ conta a historia dun rapaz chamado Sumio, quen ten a habilidade de predicir o futuro: isto é, escribe o que vai pasar mentres dorme nun diario e as súas prediccións vólvense verdade logo.
Ninguén cree que Sumio teña realmente esta habilidade e realmente non supón unha vida demasiado emocionante para Sumio.
Sen embargo, todo cambia cando Sumio chega á súa casa un día e atópase unha carta na cal se entera de que a súa nai foi secuestrada e que ten que ir ao ximnasio do seu istituto para poder salvala.
Así, Sumio vai ao ximnasio do istituto e atópase con que hai máis rapaces do seu istituto alí, cada un por motivos diferentes pero todos porque recibiran certa carta.
Unha voz comeza a falarlles mentres o símbolo dunha caveira aparece proxectado na parede. Esta voz identifícase como Enigma e dille que cada un deles está aquí por unha razón. Así, dille que estarán pechados na escola ata que atopen os contrasinais para poder sáir. Así, hai o mesmo número de contrasinais que de persoas polo que se un contrasinal se perde a persoa quedará atrapada......
Tamén se lles comunica que a cada persoa que consiga saír se lle concederá a recompensa especificada, no caso de Sumio é volver ver á súa nai, pero que o obxectivo de telos alí pechados e atopar a un verdadeiro líder que consiga salvar a tódolos seus compañeiros.
O anterior é máis ou menos unha breve sinopse de ǝnígmǝ sen destapar moito de que vai. Basicamente inténtase crear unha atmósfera de clasutrofobia na cal tódolos personaxes están pechados nunha casa e non poden saír ata que recuperen os contrasinais. Recorda un pouco a cousas como Saw (peli) pero sen violencia e tendo en conta que este manga é para adolescentes XD.
Na introducción dixen que un dos elementos principais da trama son os superpoderes. Así, aparte de Sumio, as outras persoas alí pechadas teñen superpoderes tamén. Agradécese que non sexan os míticos superpoderes e que haxa un pouco de inventiva pero non desvelarei máis para non facer spoiler.
A trama é máis ou menos śolida durante o primeiro gran arco argumental, tendo xiros argumentais bastante inesperados aínda que decae bastante no segundo arco , razón pola que cecáis os lectores deixaron de darlle o seu voto.
O caso é que é un manga que se debería ler porque non hai moitas cousas coma esta destinadas a demografía shonen, especialmente publicadas en revistas coma a Weekly Shonen Jump.
Ademáis , tendo en conta que a mangaka era nobel, isto é, é era o seu primeiro traballo publicado, o resultado foi máis que satisfactorio.O nome da autora é Kenji Sakaki.
