Newest Post
Amosando publicacións coa etiqueta martial arts. Amosar todas as publicacións
Medaka box é un manga que se les o argumento non te fas unha idea no que realmente pasa no manga a partir de certo punto, xa que o argumento só é aplicábel aos primeiros capítulos. Así, ao comezo, o manga é una comedia escolar na que Zenkichi , un rapaz sen ningún talento especial e Medaka, unha rapaza superdotada en todo forman o concello estudantil e poñen unha caixa de suxestións pra intentar cumprir os desexos que os alumnos poñan na caixa. Así, é un coñazo XD. Pero tranquil@s, que a cousa cambia aos poucos capítulos e un pouco aleatoriamente o manga vólvese de acción e pelexas, con xente con superpoderes e pelexas épicas con grandes toques filosóficos polo medio(que poden resultar cansinos) mesturado con sagas nas que tentan que o lector use a cabeza pra desentrañar os misterios en lugar de pelexas á usanza, cos personaxes como detectives con probas de enxeño.
O manga é bastante raro, quero dicir, buscarse lóxica a moitas das cousas que suceden no mesmo é bastante complicado: supoño que iso é parte da graza de ler o manga.
Non é un manga epicamente longo pero ten 20 volumes recopilatorios así que é razoablemente longo pra un manga shonen , se temos en conta que moito tempo non ten un argumento definido XD.
Se falamos de personaxes, algo curioso é que o personaxe máis carismático é Kumagawa Misogi, que non é protagonista, senón un secundario. De feito, cando fixeron a enquisa de popularidade, quedou de primeiro, con que superou a Zenkichi, Medaka e outros principais, algo bastante curioso. Non é tanto curioso se les o manga e ves ao personaxe: é un fenómeno XD. É un vilán, pero ten unha persoalidade moi carismática, ao ser cínico e despiadado pero risoño e alegre a partes iguais(ten moitos cambios de humor). Ademáis, a súa habilidade(Non espoileo XD) tamén fai que sexa un personaxe moi interesante.
Se falamos de debuxo o manga está ben, realmente nótase unha evolución dende o seu comezo ata que remata notábel, hai unha gran melloría na calidade dos trazados. Esta melloría vese reflexada, sobre todo, nos personaxes, tanto masculinos como femeninos, aínda que sobre todo nas personaxes femeninas, típico de mangas con contido ecchi coma este.
Como conclusión, Medaka Box comeza floxo, ten un nó máis que aceptábel e un tramo final bastante malo, polo que se temos en conta todo isto, o cómputo global danos de nota un 6.5.
Nota: 6.5
Este manga conta a historia de Kagetora e de Beni, dúas persoas separadas por centos de anos no tempo pero que conseguen reunirse no presente. Así, Beni é unha rapaza de Istituto que vive no tempo presente e un día aparece na súa vida Kagetora, un ninja que dos tempos do xapón feudal que parece ser que viaxou no tempo . Resulta que Beni é descendente de Beni-hime, unha princesa á que servía Kagetora, polo que este decide servir a Beni no tempo de hoxe en día . Así, os primeiros capítulos contan as dificultades de Kagetora coa vida moderna e os seus sentimentos contradictorios cara Beni , dado que é exactamente igual que Beni-hime. Logo o manga vólvese moito máis interesante cando descobren como foi que Kagetora conseguiu viaxar no tempo: resulta que hai varias "fisuras espacio-temporais" (XD) e cada unha delas leva a unha época diferente, ben sexa pasado ou futuro. Así, vívense diversas aventuras no pasado, onde hai moitas pelexas de ninjas e xógase bastante co tema das paradoxas temporais , dado que @s personaxes están na mesma época temporal que versións máis novas de sí mesm@s (SPOILER: Se interactúan desaparecen os dous ) .
Logo resulta que na época presente hai varias persoas da mesma época e lugar que Kagetora e que todo está relacionado.
Algo bo do manga é que resolve tódolos misterios que presenta , algúns antes que outros pero todos acaban resoltos. Non conto aquí exactamente aquí que misterios porque sería espoilear demasiado XD.
O debuxo é totalmente shojo, co cal é curioso ver unha pelexa de ninjas con ese estilo de debuxo pero é soportábel XD(Non obstante prefiro o debuxo shonen-seinen) .
Como conclusión, dicir que merece a pena ler este manga dado que o romance está ben levado (non se fai demasiado empalagoso XD ) a pesar de que o estiran moito e os protagonistas teñen que superar moitas dificultades pra estar xuntos. Ademáis, hai moita intriga e misterios que resolver grazas ao elemento de poder viaxar no tempo. Notable alto.
NOTA: 8.75
Tag :// comedia,
Tag :// Manga,
Tag :// martial arts,
Tag :// Nota entre 8 e 9,
Tag :// romance,
Tag :// Shinobi Life,
Tag :// shojo
Hoxe falaremos do manga de Holyland de Mori Koji. O manga ten 18 volumes de duración(capítulos semanais) i é do xénero de pelexas calexeiras orientado a unha demografía maiormente seinen(Publicábase na mesma revista que Berserker).Hai un dorama que adapta a historia.
Así, de que vai este manga?
Kamishiro Yuu é un rapaz que asiste a un istituto en Xapón.Sinte que non encaixa en ningún sitio, que non ten ningunha razón pola que loitar, pola que estar vivo, o que fai que esté sumido nunha profunda depresión a maior parte do tempo.
Ten un amigo moito máis risoño ca el e os dous deciden dar unha volta por certo barrio pola noite. O que Kamishiro ve esa noite cambia a súa vida pra sempre: ve como un ex-loitador que por diversas circunstancias rematou na rúa ten unha pelexa. A emoción que sente ao velo fai que lle ferva o sangue, desexa ferventemente experimentar ese mundo por si mesmo. Isto fai que entrene e que grazas á axuda de diversas persoas ascenda no mundo das pelexas calexeiras mentres derrota a moitos adversarios polo camiño, algúns dos cales convértense en amigos seus.
O manga segue unha liña argumental única, é liñal, comeza cando Kamishiro Yuu non é ninguén e remata cando se supón que é o xefe do lugar.
É un manga cun tremendo compoñente psicolóxico, as reflexións de Kamishiro Yuu ou de Izawa, o mentor de Kamishiro, son escalofriantes por momentos e fan a un preguntarse sobre diversos aspectos da conducta humana.
Logo está o de que a maneira na que se contan as pelexas é tremenda, nótase un intenso traballo de documentación detrás: síntes coma se estiveses ti na pelexa a observar e podes imaxinarte os golpes polas detalladas desctipcións que hai, a parte dos propios debuxos, que xa que falamos diso, teñen un nivel alto. Especialmente se falamos das expresións dos personaxe e especialmente na de Kamishiro, quen ten unha expresión de " non toques as miñas galletas" tremenda XD.
En resumo, probábelmente o mellor manga que lin de pelexas calexeiras onde todo vale, o ring aparece en calquera lugar e a noite é o territorio ideal.
Nota: 8.5
FICHA TÉCNICA
TÍTULO: Holyland(Terra Sagrada)
MANGAKA: Mori Kouji
XÉNERO: seinen, artes marciais, pelexas calexeiras, artes marciais, psicolóxico.
ANO DE SAÍDA:2000
COMPLETO: Si
NÚMERO DE VOLUMES: 18
NÚMERO DE CAPÍTULOS: 182
FRECUENCIA DE SERIALIZACIÓN: Quincenal
REVISTA DE SERIALIZACIÓN: Young Animal
ANIME: Non
DORAMA:Sí
MANGAKA: Mori Kouji
XÉNERO: seinen, artes marciais, pelexas calexeiras, artes marciais, psicolóxico.
ANO DE SAÍDA:2000
COMPLETO: Si
NÚMERO DE VOLUMES: 18
NÚMERO DE CAPÍTULOS: 182
FRECUENCIA DE SERIALIZACIÓN: Quincenal
REVISTA DE SERIALIZACIÓN: Young Animal
ANIME: Non
DORAMA:Sí
