Boas! Antes de nada quero desculparme por non ter publicado nada ultimamente, espero retomar o ritom de un post á semana pronto.
O tema que hoxe nos ocupa son os premios de manga. Isto ven porque , se un se da conta, cando vai ver unha película, vai a un local novo ou fai algunha cousa so facelo por dous motivos básicos no caso de non coñecer o local ou actividade de antemán: por recomendación dun amigo ou en función de premios. Así, unha película que levou un oscar , un globo de ouro ou outros premios é moito máis atractiva de cara á galería. Co manga non ía ser menos, así que hoxe comentarei algúns dos premios que existen na actualidade sobre manga:

-Premio Shōgakukan : é un dos máis prestixiosos de Xapón e está en activo dende 1955. Celébrase anualmente e premia a mangas en diferentes categorías. Dos premiados, os que eu coñezo son Golgo 13, Monster, 20th century boys e Team Medical Dragon, dentro da categoría de manga xeral. Logo hai categoría de manga shojo, shonen e infantil.Dentro dos premiados shonen coñezo Urutsei Yatsura, Dr Slump , Yu Yu Haskusho, Detective Conan, Inuyasha, Bleach, Zatch Bell, Cross Game, Sket Dance e Kekaishi. 
Por outra banda , dentro do shojo só coñezo Nana e Lovely Complex(E pra iso Lovely Comple nunca o lin XD).
Por último, dentro do kodomo(infantil), coñezo Doraemon(...ten un peto máxico ! XD ) , Kinnikuman, o Sarxento Keroro e Inazuma Eleven.
Nótese que moitos dos títulos que levaron este premio son moi populares na actualidade.

-Premio Kōdansha:   premio que existe dende os 60 otorgado pola editorial Kōdansha  en catro categorías ao igual, que o anterior. Dos premiados en manga xeral, coñezo Dragon Zakura, 20th century boys(Nótese a cantidade de premios que levou este manga,totalmente merecidos), Vagabond, Dragon head(Por recomendación), Akira , Adolf, Ah ! My goddess e VInland Saga. En shonen, coñezo Black Jack, GTO, Love Hina, Air Gear e Fairy Tail. Dentro do shonen coñezo Inazuma Eleven, Shugo Chara(Máis que nada pola cantidade inxente de rosa que hai, ler nunca o lin pero é mítico en internet XD )  e , curiosamente, Watashi ni xx Shinasai, a pesar de que ese manga é máis shojo que outra cousa.....pero bueno XD. Por último, dentro do shojo coñezo Kuragehime, Nodame Cantabile, Honey and Clover e Sailor Moon.
Varios títulos famosos levaron o premio, aínda que como é un premio dunha editorial...moi obxectivo non creo que sexa XD . Hai algo que sí me gustou da maneira en que organizan o premio: non sempre houbo gañador , é dicir, se os mangas de certo ano non acadaban a calidade suficiente deixábase vacante o premio. Obxectividade ante todo.

-Premio Taishō: este premio entrégase dende 2008, é por moito un dos máis recentes que hai. Así, hai unha serie de nominados e un gañador, non hai varias categorías.
De entre os gañadores, dado que non hai demasiadas edicións, só coñezo Silver Spoon, gañador da edición 2012. Paréceme un premio bastante inxusto, porque, por exemplo , I am hero foi nominado en 3 ocasións e nunca gañou. E sí, Silver Spoon é orixinal e tal pero.....I am a hero é lendario, así que penso que debería ter gañado algunhas vez xa.





E isto foi todo. Hai máis premios pero eses son os máis famosos . Espero que vos gustase o post!