Newest Post
// On :venres, 12 de outubro de 2012
Boas! Hoxe falaremos de Tamago no kimi (Segundo baka updates traducido coma The Egg Yolk ou You're Egg!) , manga shojo de catro volumes de Sumiyoshi Yukiko que foi serializado na revista GFantasy(Square Enix).
Este manga conta a historia dunha rapaza chamada Aimi, unha rapaza orfa que vive xunto coas súas irmás nun planeta chamado Salami. O planeta é moi similar á Terra pero distínguese nalgo curioso: os canons de beleza son diferentes. Isto é, alí o que na Terra se considera feo é considerado bonito e ao revés. Isto provoca que aínda que Aimi sexa guapa segundo a perspectiva terrestre sexa considerada un enxendro no seu planeta natal.
Todo isto cambia cando por diversas circunstancias Aimi remata na Terra, onde é considerada bela. Ela non o sabe e segue a pensar coma se estivese en Salami, polo que isto da lugar a multitude de momentos graciosos.
Cando está na Terra vive cun rapaz moi cheoe fanfarrón chamado Kyou Naruse, quen a despreza ao comezo por non querer saír con el pero que despois comeza a collerlle cariño.
O do "ovo" do título ven porque Aimi ten certo ovo de cor branca, case indestructíbel. O caso é que non se sabe que hai no ovo nin pra que serve ata capítulos avanzados do manga. Agora vai un SPOILER: SPOILER COMEZA O ovo resulta que contén unha especie de ser superior que ten o poder de facer todo o que queira , e manda a Aimi ao seu planeta natal pero despois tráea de volta á Terra e restaura a memoria previamente borrada dos habitantes da Terra sobre ela FIN SPOILER.
O debixo é normalciño dentro dos shojo e a historia é bastante atípica i é bastante gracioso. Ben.
Nota : 6.5
